Saturday, November 15, 2008

Хакдуулсан бэлэгдэл?

Хэрэв би худлаа санаагүй бол Монгол Улсын Үндсэн хуулинд Монгол Улсын Ерөнхийлөгч нь ард түмний эв нэгдлийн бэлгэдэл бидний сайн сайхны симбол байх ёстой гэсэн утгатай өгүүлбэр байдаг байх аа.
Тэгвэл http://www.president.mn/ хэмээх ерөнхийлөгчийн албан ёсных нь вэб хуудас нэг иймэрхүү харагдаж байна.


Харин ч нэг их учиргүй хорлон сүйтгэгч байгаагүй бололтой. Зөвхөн мэдээний хэсэгт нь ганц мэдээ оруулаад л өнгөрч. Одоо бямбаас нямд шилжих шөнө. Маргааш ажил хийх хүн байхгүй. Тэгэхээр хамгийн хурдандаа 11 сарын 17 хүртэл Монголын ард түмний бэлгэдлийг хангагчийн нүүр царай кибер ертөнцөд ингэж харагдах бололтой.
Мэдээллийн аюулгүй байдалдаа ямаанаас бага ач холбогдол өгдөг хүмүүст бага зэрэг сургамж болж магадгүй л юм. Ямар сайндаа миний олж сонссоноор Мэдээллийн Аюулгүй Байдлын тухай хуулийн төслийн багт нь секьюрити компанийн захирал орчихсон тууж явах вэ дээ. Тэр нөхөр аягүй бол кибер ертөнц гэдгийг нь цахилгаан бороохой гэж ойлгоод энэ хакдсан товарищийг барьж авч зодно гээд явна шүү

5 comments:

Bayana said...

Хэлээд яахав хөө. Бодит байдал ийм л байна даа..

М.Огоо said...

Хэхэ. Бас гялс янзалж байна шүү. Би нэгдэх хүртэл энийг олж харах хүн байхгүй байх гэж байсан андуурч. Screenshot-ийг нь авч үлдээгүй бол яг худалч нэр авах байж шүү. хэхэ

H.D.NR said...

Надаа бас screenshot нь байгаа.Хүмүүс дунд нилээн тарж байж янзлагдах шиг боллоо шүү.

gegeen said...

tiin. 40 tsag garangiin daraa yanzallaa genee

Javkhlan said...

ерөнхийлөгчын бие, машин унаа, гэр орон байр халдашгүй байдаг гэж ойлгодогшд. Сайтыг нь сайн мэдэхгүйн. хэхэ